موقع Goodreads : فيس بوك القراء ..

السلام عليكم ورحمة الله وبركاته .. 
أزيكم جميعاً .. 
ان شاء الله تكونوا بأحسن حال ..

النهاردة جبت لكم موضوع جمييل عن موقع أكتر من رائع ..
السبب اللي خلاني أكتب عن الموقع ده انه للأسف مش معروف اوي عندنا ..
يعني مش كتير ناس عارفة ولو كانت عارفاه مش بتعرف تستخدمه بأفضل طريقة ممكنة .. 
أتعرفت عليه من بعد ما نصحتي صديقتي المفضلة فيه من سنتين تقريباً ..
و أصبحت مدمنة عليه بشكل رهيب .. 
يعني حتى لو ما كنت من محبي القراءة .. الموقع هيعرف إزاي يخليك واحد منهم .. 
و إن شاء الله تستفيدوا من الوقع و ألاقي ناس كتيرة عليه .. 

goodreads.com

الموقع تم إنشاءه في ديسمبر 2006 على يد أوتس تشاندلر ..
و بعد سنة واحدة قدر يجمع نصف ميليون مشترك حول العالم .. 
و أكتر من 10 ملايين كتاب مضاف فيه ..

ما هو موقع goodreads .. ؟؟ 
موقع "القراءة الجيدة"  عبارة عن مكتبة كبيرة تقدر تتجول فيها بحرية تامة .. 
فيها أكبر تجمع للقراء النهمين حول العالم ..
أو زي نادي القرأءة اللي تقدر تتناقش فيه الكتاب براحتك ..
الموقع زي الفيس بوك تماماً .. يعني شبكة إجتماعية لكن عن الكتب فقط  ..
تقدر تعمل إعجاب, و تعليقات و تطلب صداقات أشخاص تانيين .. 

ما الهدف منه .. ؟؟
تشجيع القراءة, إضافة المتعة والفائدة للجميع ..
تحسين وتطوير مهارات القراءة في المستقبل .. 
إعطاء فرص لتبادل الخبرات حول الكتب ..

التسجيل .. ؟؟
الموقع مجاني .. 
والتسجيل مفيش أسهل منه .. 

مزايا الموقع .. ؟؟
اول لما تدخل الموقع .. تخيل انك دخلت المكتبة الخاصة بك .. 
و عايز تستفيد منها بأكتر طريقة ممكنة ..

هتبدأ ترتب كتبك فيها على حسب الرفوف الإفتراضية اللي عملها الموقع, اللي هي :
( قرأته من زمان ), ( بقرأه حالياً ), ( هقرأه إن شاء الله ) .. 
أو تقدر تعمل روفوف خاصة بك زي :
( مفضل ), ( أنصح به ), ( لا أنوي إكماله ), ( تركته ) ... الخ 

طيب و بعدين .. ؟؟
اول لما تضيف الكتاب .. تقدر تقيمه من 5 نجوم .. 
و تكتب رأيك بحرية فيه و تقول عجبك \ لم يعجبك ليه ..
و بدأت فيه إمتى .. ؟؟ و خلصته إمتى .. ؟؟

أو لو عايز تبحث عن كتاب شاغل بالك : 
تكتب إسم الكاتب أو الكتاب أو الـ ISBN بتاع الكتاب ..
و هتشوف تقيم الكتاب, و تقرأ عنه, تشوف رأي الناس التانية فيه عجبهم ليه معجبهمش ليه .. ؟؟
و صدقوني دي أكتر طريقة تحمس نفسك فيها أنك تقرأ الكتاب و تخلصه بسرعه .. 


تتواصل مع أصحابك حول كتاب معين, و تتافس معاهم من اللي يخلصوا الأول .. 
و تشوف إيه الكتب اللي قرأوها واللي في المكتبة عندهم وإيه رأيهم فيها .. 

تتواصل مع الكُتاب و المؤلفين اللي مشتركين في الموقع, و تسألهم أسئلة و تعرف الكتب الجديدة اللي ناوين يطرحوها قريباً ..

تشوف التقدم اللي حققته في القراءة من خلال وضعك للكتب اللي ناوي تنهيها خلال العام .. 

مميزات أخرى .. ؟؟
1\ تحط كُتابك المفضلين ..
2\ تجمع مقولاتك المفضلة ..
3\ تضيف أصحاب جدد أو تتابع أشخاص فقط .. 
4\ إنشاء مجموعات خاصة حسب الإهتمام .. 
5\ توصية بعض الكتب للأصحاب .. 
6\ عمل إستفتاء للرأي في كتب معينة .. 
7\ معرفة الكتب الأكثر شهرة - مبيعة خلال العام ..

الموقع له تطبيقات .. ؟؟
نعم له تطبيق على الأبل و الأندرويد ..

_للأي فون أو الأي باد أضغطوا على الصورة_

_للأندرويد أضغطوا على الصورة_

الموقع أكتر من كدة بكتير .. و مهما قلت و شرحت فيه مش هكتفي أبدا .. 

أن شاء الله الشرح البسيط ده يقدر يشدكوا للموقع ..

و أتمنى أنكم فعلا تدخلوا عليه و تدوله فرصة .. و متأكدة انه مش راح يخذلكم .. 

أسمي : NAPSLIR

 إبقوا ضيفوني لو إشتركتوا فيه 

أن شاء الله تكونوا إستفدوا في التدوينة دي .. 

وأشوفكم بإذن الله في تدوينة تانية قريبا 

تسعدني تعليقاتكم و إستفساراتكم .. 

في أمان الله ..