19 حاجة لازم تعرفها قبل الـ 20 ..

السلام عليكم و رحمة الله و بركاته .. 

و الصلاة و السلام على سيدي و حبيبي محمد وعلى آله و صحبه الأطهار ..

و في غفلة الحياة، تناسيت حقيقة اني سوف أكمل عقدين من الزمن .. 

عقدين من الزمن .. !!!

عقدين .. !!!

انا مش من الأشخاص اللي بيهتموا بأعياد الميلاد والشغل الضيق دا .. .. 

بس عقدين من الزمن .. !!

حقيقي انا مصدومة .. 
الموضوع مش سهل ان الواحد يتقبله بسهولة 

بس فيه 19 شي الحمد لله اني عرفته قبل ما اتم ال 20 .. 
اتمنى انه يكون ذخر ليا في الألفية القادمة .. 

اللي ما تموا ال 20 لسا .. 
هادي هي ال19 اللي لازم تعرفوها قبل ال 20 >> كأني قلت 20 كتير .. ؟! 

1) الدنيا هتحاول بكل قوتها انها تكون ضدك .. 
الحياة مش سهلة .. و اللي بيقول لك العكس أكيد مش عايشها صح .. 
بس المتعة في المقاومة و التحدي و ألذ شي بالدنيا هو الشعور بالرضا و القناعة باللي راح توصل له .. 

2) شهادتك بللها و إشرب ميتها .. 
إذا كنت من المغضوب عليهم و كنت بتدرس في أحد الجامعات في مصر .. >> لا يوجد تعبير أفضل .. 
فاكيد سمعت هالمقولة من قبل .. 
و إذا كنت من المتفائلين اللي طايرين بالسما بآمالهم المرتفعة .. اعرف انك راح تتكفي على وجهك بعد التخرج .. 
مش محاولة مني في إحباط الأخرين صراحةً .. لكن هذا من خبرة الأخرين اللي اعطوني اياها خلال السنتين الدراسيتين هنا .. 

3) إقرأ قد ما تقدر، وين ما كنت و كيف كنت ..



المواظبة على القراءة في وقت الجامعة صعب .. الدراسة و الخروج و المذاكرة ما بيخلوا في اليوم ساعة .. 
لكن لسا فيه مجال للقراءة .. 
لكن تخيل الموضوع بعد الجامعة .. شغل، كورسات، مقابلات و إجازات بالقطارة ..
فرصتك في القراءة و إلتهام الكتب و الروايات راح تقل للنصف إذا ما كانت هتنعدم .. 

4) تواصل بكل اللي بتعرفهم .. 
من حسنات الكلية أو سيئاتها ( على حسب الكلية و نوعية الأشخاص ) الأصدقاء و الصحاب و الزمايل .. 
انك كل يوم تروح الكلية على مغامرة جديدة مع اصحاب من كنوز الدنيا اللي ما راح تتعوض بعد هيك .. 

5) إكسر حاجز الخوف ..



من أصعب المواقف اللي ممكن الواحد يتعرض لها في حياته انه يخاف يقدم على اي شي .. 
الخوف حاجز خانق يغلف الشخص و يكاد يقتله .. 
في مقولة قرأتها في يوم : الحياة تبدأ بعد حاجزك الشخصي .. 
إكسر حاجزك و هتلاقي الحياة أجمل أكيد .. 
لا تخلي الخوف يخليك واقف مكانك .. الحياة أكبر من الإطار اللي انت حابس نفسك فيه .. 

6) إذا في يوم فكرت مرتين بخصوص علاقتك مع اي شخص عرفته فدا مؤشر كافي لإنهائها .. 


7) لا تقطع علاقتك مع اي حد أكبر منك بالسن .. 
اتعرف على ناس أكبر، مش راح يبخلوا عليك بأي نصيحة و خبرة .. 

8) نَوِّع من صحابك .. 
انك تلاقي نوعية صحاب زيك شيئ جميل .. 
الاجمل انهم يكونوا مختلفين .. 
كل واحد راح يترك له اثر فيك .. 

9) حافظ على "أنت" اللي جواك .. 




كل شخص مختلف عن الغير .. 
حسن من نفسك و صلح عيوبك و مهما كان إختلافك و مهما كانت مبادئك حافظ عليها .. 
لو تركت حالك تنجرف بالظواهر العامة هتلاقي نفسك في النهاية شخص غير اللي بتعرفه .. 
أنت أحلى شي فيك ..  

10) قلل من نفقاتك .. 
الموضوع حقيقي فعلا .. 
كل ما كان فيه ميزانية لك هتلاقي في النهاية انك حققت اللي تتمناه بأقل من اللي كنت راح تعمله .. 
في النهاية الباقي لأجلك .. 

11) يوجد جين بداخلك يسمى المغامرة .. 



أستغل روح المغامرة بداخلك .. 
لو اتبعت النصيحة اللي فوق هتلاقي نفسك حققتها اكتر .. 
رحلة للغردقة أو الإسكندرية مع حالك أو أصحابك أحسن بكتير من القعدة على القهوة .. 
باريس أو لندن لو أنتِ بنت .. 

12) لاقي شغل .. 
لو كنت من اللي مش مقتنعين باللي فوق .. 
دور على وظيفة حتى لو كانت ايه ..
"مفيش من غير واسطة" الكلام دا واقعي بس اللي هيدور هيلاقي >> شوفوا رقم 1 

13) أخرج عن مجالك .. 
اي كان اللي بتتعلمه في الكلية .. اتعلم غيره مع نفسك .. 
الحياة مش محصورة في الكلية بس .. 
برمجة، لغة مختلفة، إكتب قصة، ألف شعر، إرسم حتى لو مش بتعرف .. 
هاي الأمور كلها هتكون واقفة معاك مش ضدك .. 

14) 6-pack .. ؟؟ مش فكرة وحشة .. 
بنت ولا ولد ..
الموضوع هيكون أسهل بكتير في الفترة دي عن اي عمر تاني .. 
الموضوع ممتع أكتر من الوصف .. 
تجربة جديدة منظره اللي يخوضها .. 
الفكرة مش شكلية فقط، نفسياً هتكون واثق أكتر .. 

15) متى أخر مرة عملت فيها شي كان أول مرة .. ؟؟
السؤال حقيقي جميل تسأله لحالك كل فترة .. 
هتلاقي نفسك بتعمل اللي ما كنت هتعمله بس علشان تجاوب على السؤال .. 
و في أخر السنة .. أكتب كل اللي عملته ..
و شوف لستة إنجازاتك بتكبر و كل واحدة معاها قصتها اللي ما راح تنساها .. 

16) نام قد ما تقدر .. 



الموضوع مؤرق حقيقي .. 
الواحد مش لاقي وقت ينام .. 
لكن برضه فرصتك انك تنام و انت بال 30 مثلا أقل من وانت بال20 .. !! 
+ لازم تنام و تاخد قسطك المطلوب من الراحة علشان الـ 6-pack تطلع .. 

17) اعمل شي غير متوقع .. 



حاول يكون عندك لستة بأحلامك، أهدافكن رغباتك ..
حتى لو ما انجزتها كلها .. كفاية الإرادة اللي جواك انك تنجز الباقي .. !!

18) Reminder هو الحل للحجج ..
كلنا بننسى .. إبتدائا من شرب المية لغاية المذاكرة .. 
و ممكن ننسى أحلامنا كمان .. 
اكتبها اي حاجة عايز تنجزها و حدد ليها تاريخ معين و شوفه كل فترة .. 
هتلافي نفسك بتحاول تعمله قبل معاده .. و هتبطل حجة : معلش أصلي نسيت، معلش كنت مشغول .. 
الحبكة في الوقت و التخطيط بس .. 
كن أذكى من الحجج الواهية .. 

19) خليك معروف بحاجة مميزة، و سيبها جوا الناس .. 
فاكرين رقم 9 .. 
هتنفعك في يوم ما تموت مثلا >> بعد عمر طويل إن شاء الله يعني .. 
بس خلي فيك حاجة الناس تفتكرك فيها، و تتمنى تبقى فيها و تحاول تبقى زيك .. 
مش مهم صفة أو حركة بتعملها أو حتى ببساطة ضحكة مميزاك .. 
جرب تعمل حاجة من الحاجات دي و تلتزم فيها لفترة معينة  .. 
هتلافيها بقت جزء من شخصيتك و غيرتك للأحسن و صعب انك تتخلى عنها .. 

دي أهم الحاجات اللي اتعلمتها قبل ال 20 اللي ما حد اخبرني فيها من قبل .. 
اتمنى تنفع اي حد .. 
حد عنده إضافة .. ؟؟ أي حد .. ؟؟ 

انتظروا القادم ..