بـدايـة مـوفـقـة :$

السلام عليكم ورحمة الله وبركاته .. 

كيف الأخبار و المدرسة .. ؟؟ 

في ناس بدأت الدراسة من إسبوعين و في من إسبوع و في اللي راح يبدأ من بكرة .. 

فحبيت اني اختار وقت يناسب الجميع علشان اكتب التدوينة دي >> و كمان علشان كنت فعلا مشغولة الإسبوعين اللي فاتو .. 

إن شاء الله تكون سنة سعيدة عليا _ بما إنها أخر سنة_ و عليكوا كمان .. 

طبعا أنا مش راح اتكلم عن تنظيم الوقت والرغي الكتير ده اللي اغلبنا حفظه صم من المدرسة والإذاعات وفي الأخر ما بنطبقوش .. 

موضوعي عن التطبيقات _ Applications _ الجميلة اللي ساعتدني شخصياً في المذاكرة و إستذكار مواعيد الإختبارات و كدة .. أتوقع لم ما كنتش أستخدمها كنت رحت المدرسة و أنا مش عارفة انه في تسميع قرأن !!

ملحوظة : التطبيقات كلها نظام ios لأن جهازي iPhone, بس ان شاء الله تكون متوافرة في السامسوج أو اي سمارت فون تاني ..

بس إضغطوا على أسم الآب و هيفتح لكم صفحته في الآب ستور .. وكل التطبيقات مجانية 

بسم الله نبدأ

1\ My Homework

تطبيق مريح جداً و سهل الإستخدام كمان .. 

تقدر تحط فيه واجبات المادة الفلانية تخلصها في اليوم الفلاني في الساعة كذا, وهو راح يرسل لك تنبيه ..

كمان تقدر تحط فيه دروسك الخارجية _ كورس أو دروس خصوصية_ و تحط اليوم الفلاني ليه و الساعة كام ..

+ الإمتحانات لأي مادة و في أي يوم .. 

تطبيق بجد ساعدني اني انظم واجباتي و دروسي بسهولة جداً ..  

2\ Zero

أيضاً من التطبيقات اللي ريحتني في التعامل معاها ..

عبارة عن To-Do List عادية جداً مع تذكير فيها, سهل و بسيط للغاية ..

3\ Wunderlist 

برضه عبارة عن To-Do List سهلة و بسيطة بس مش زي Zero  >> عارفة ان لستات كترت بس كل واحد واللي هيريحوا..

4\ Dictionary

أتوقع ان الأغلب عنده ديكشنيري في الموبايل بتاعه, ولو مش عندك تفضل حمل ده و هتدعيلي .. 

5\ OneNote

نوت عادية من المايكروسوفت, لم يسبق لي إستخدامها صارحةً, لكن صديقة لي تمدحها كتير .. 

6\ My Secret Diary

تطبيق جميييل جداً, عبارة عن مذكرة سرية بحب أكتب فيها إيه اللي حصل في يومي المدرسة ( حاولوا تركزا على الحاجات الإيجابية علشان لما ترجعوا تقرأوها تاني تفرحوا مش العكس !!  ))

طبعا تقدروا تحطوا فيها صورة لأهم حاجة حصلت في اليوم أو أغنية بتفكركوا بالأحداث و كدة يعني .. 

7\ Mindmeister

تطبيق رآآآآئع جداً, عن الخرائط الذهنية, طبعا الخرائط الذهنية فوائدها كتيرة و الكلام عنها ما بيخلص, فإن شاء الله هتكون في تدوينة عنها .. 

و بالنسبة للي عارفها مسبقاً, أنصحكم فيه و بشدة .. لأني فعلا أدمنت عليه .. 

فيه كتير مميزات عن أي تطبيق تاني, ممتع و جذاب جداً .. 

طبعاً التطبيقات ما بتخلص و كل يوم في أكتر من واحد بينزل جديد, بس حبيت أشارككم التطبيقات اللي أفادتني و نفعتني ..

إن شاء الله تكون إستفادتوا ولو بالقليل .. 

إسـتمتعوا ..