أسـبوع في مـصـر இ

السلام عليكم ورحمة الله وبركاته .. 

أزيكم و أزاي الحياة معاكم .. ؟؟  

ان شاء الله تمام .. 

طبعاً بعد ما قرأتوا التدوينة الأخيرة اللي كانت عن الحج _قرأتوها صح ؟_ 

عرفتوا اني سافرت سفرة فجائية لظروف معينة لمصر بعد غياب سنتين و نص .. يااااااااااه سنتين بحالهم .. !! كتير صح .. ؟ 

بس نعمل ايه الظروف و ما تفعل .. !! 

و كنت بجد متحمسة اني اشوف مصر تاني بالذات بعد الثورة .. 

إليكم الأحداث المصورة .. 

طبعا الحمد لله لقينا حجز لكن على الخطوط العُمانية .. ( عُمان .. ؟؟ ) أيوا عُمان .. كان لازم نروح لعمان الأول و بعدين للقاهرة .. ليه علشان مفيش حجز .. 

فتوجهنا لمطار الدمام الدولي الساعة 1ونص الصبح يعني بالليل خالص .. 

و ركبنا الطيارة و توجهنا لعمان .. و منها إنتظار للقاهرة .. 

في الطيارة إلى عُمان ..

طبعا أول ما وصلنا لمطار عُمان .. وأنا عرفت أنه في إنتظار للرحلة التانية و أنا توجهت لقسمي المفضل ... المكتبة ...

طبعاً كان عندهم تشكيلة كتب كبيرة و حلوة و متنوعة .. 

و بعدها جه موعد طيارتنا للقاهرة .. 

و لقيت ألبومي المفضل في الألبومات المعروضة عندهم ..

لكن لا شيء يضاهي قراءة كتاب ممتع أثناء رحلة طويلة .. 

وفعلا كلمتها ع النت و رحبت بالفكرة و ادتني العنوان .. و فعلا اتفقنا على يوم و انطلقنا .. طبعا إحنا قعدنا إسبوع في القاهرة .. و كانت طقة في دماغي فكرة جنونية ..  اقول لكم القصة من البداية : انا من 6 سنين اتعرفت على بنوتة عسل من النت عايشة في الإسكندرية و صداقتنا كانت مستمرة طول الـ6 سنين .. فأنا قلت ليه ما اروحش و ازورها في الإسكندرية .. ؟؟ 

ودي الصور من الطريق .. 

نهر النيبل من الطريق ..

الطريق الزراعي ..  

و وصلنا الإسكندرية بعد 4 ساعات في الطريق

بحر إسكندرية 

كبري ستانلي

البحر من جهة تانية 

و أول لقـاء كان جميييييييل بشكل  .. و قابلت شخص اتعرفت عليه من النت أخيراً ..  
دلوقتي اقدر اشطب خانة Meet My Online Friend من قائمة Before I Die اللي انا عملاها .. 

طبعاً مكانش قدامنا ساعات كتير نقضيها مع بعض .. فأول حاجة اتمشينا على البحر شوية لاني بجد كنت مشتهية البحر بطريقة رهيبة ..  و بما اننا حنا الإتنين من عشاق الكتب و المكاتب فكانت مصممة توديني أشوف مكتبة إسكندية >> وأتحقق حلمي و فعلا رحنا شفاها .. 

القبة السماوية >> أعتقد اسمها كدا 

و أشترينا التذاكر ..  

المدخل ..  

من الآلات القديمة اللي كانت موجودة في المكتبة ..
مكبس التذهيب يستخدم في تذهيب و طباعة الظروف - صناعة إنجليزية 1900 م

من الكتب الجمييلة اللي كانت موجودة .. 

الطلبة و هما بيذاكروا  

ما شـاء الله تبارك الله .. 

من اللوحات الجميلة اللي كانت موجودة في المكتبة .. 

تقسيمات أدوار المكتبة .. 

ده و أحنا خارجين من المكتبة في مكتبة صغيرة لبيع التذكرات الخفيفة ..

و عدت الساعات الحلوة بسرعة و رجعت تاني على القاهرة و انا ادعي ربي انها تتكرر تاني ان شاء الله .. 
و فعلا عدت الأيام بسرعة و خلص الإسبوع اللي قضيناه في القاهرة و روحنا ع الدمام ..   

في الطريق لمطار القاهرة ..  

و ركبنا الطيارة و رجعنا البيت ..


و حمد الله على سلامتنا .. و انا من وقتها وانا مجهزة الصور و كل حاجة لكن للأسف انشغلت بالدراسة و ده الوقت الوحيد اللي اتفرغت فيه و حطيت الصور ..

اتمنى تكونوا استمتعوا معايا و ما اكونش جبتلكم صداع ولا حاجة   
و ان شاء الله القادم أحلى .. 

في أمان الله ..