مذكرات تشرنوبل

السلام عليكم ورحمة الله و بركاته .. 

كيف الحال و الأحوال .. ؟؟ 

ان شاء الله تمام ..    

وأيوة صح انا الإنسانة اللي اول ما بدأت الدراسة و أنا ناسية اني عندي مدونة لازم اكتب فيها ..بس النهاردة جايبة لكم موضوع تاريخي شوية + مراجعة لفيلم عنه ..  

و متخافوش دي مش حصة تاريخ و لا حاجة, بس قلت بدل ما ابدأ كلام عن الفيلم اديكم خلفية عنه ..   

اكيد كلكم سمعتم بحادثة تشرنوبل و الإنفجار النووي اللي حصل فيها .. لو مسمعتوش فيها ولا يهمكوا انا هقولكوا عليها .. 

تشرنوبل دي مدينة أوكرانية تقع في في شمال أوكرانيا بمقاطعة كييف ..
وقعت في مفاعل تشيرنوبيل أكبر كارثه نووية شهدها العالم في يوم السبت 26 أبريل من عام 1986 حيث كان ما يقرب من 200 موظف يعملون في مفاعل الطاقة النووي (1،2،7) بينما كان يتم إجراء التجربة في الوحدة الرابعة التي وقع فيها الانفجار . وقد وقع الانفجار على أثر خلل بأحد المولدات التوربينية بالمحطة وادي إلى حدوث اضطراب في إمدادات الطاقة في جمهورية اوكرانيا كما أدى إلى إغلاق المصانع وتعطل المزارع وبلغت الخسائر المادية أكثر من ثلاثه مليارات دولار . وقد لقى 36 شخصا مصرعهم وأصيب أكثر من 2000 شخص . وعقب الانفجار أعلنت السلطات في اوكرانيا أن منطقة تشرنوبل منطقة منكوبة وتم اجلاء أكثر من 101 ألف شخص من المناطق المحيطة بالمفاعل . وبعد حدوث الانفجار بدأت عمليات دفن وتغليف المفاعل بالخرسانة المسلحة لمنع تسرب الإشعاع الناجم عنه والذي أدى إلى وفاة عدد كبير في السنوات التالية متأثرين بالاشعاع . وربما كان قيام الاتحاد السوفيتي بالاعلان عن حدوث هذا الانفجار على أراضيه ، ثم طلب المعونة من دول العالم ، أحد مظاهر التغيير في سياسة زعيم الكتلة الشيوعية الذي كان لا يكشف عن مثل هذه الأحداث أبدا!
يعد انفجار المفاعل تشيرنوبل، الذي حدث في الاتحاد السوفيتي عام 1986، أسوأ حادث نووي على الإطلاق، منذ بدأ استخدام الطاقة النووية في الأغراض الصناعية عام 1940. نفث المفاعل المنفجر حوالي سبعة أطنان من المواد المشعة في مساحات شاسعة من العالم.
كانت أكثر المدن تأثرا مدينة كييف السوفيتية التي وصلتها التحذيرات متأخرا، فأصيب عدد كبير من سكانها بحروق جسيمة، ولم تسلم أوروبا بأكملها من التلوث الإشعاعي، فزادت نسبة التلوث الإشعاعي في بعض أجزاء ألمانيا الشرقية 100 ضعف المعدل الطبيعي، بينما بلغت في بولندا 500 ضعف.
وكانت النتيجة غير المباشرة عشرة آلاف حالة من السرطان في الاتحاد السوفيتي، وألف حالة أخرى في أوروبا.

ماذا يفعل الإشعاع بجسم الإنسان  .. ؟ 

يؤدي التعرض للإشعاع لأشكال مختلفة من الإصابة حسب الجرعة التي يتعرض لها. فيؤدي التعرض إلى مقدار من الإشعاع قيمته أكثر من 40 جراي (وحدة قياس الإشعاع) إلى تدمير الأوعية الدموية، وبالتالي الإديما المخية (تراكم السوائل في أنسجة المخ)، ثم الصدمة العصبية والموت في خلال 48 ساعة.

التعرض لجرعات من 10 إلى 40 جراي يؤدي إلى ضرر أقل للأوعية الدموية، لكن تنتج حالة من عدم التوازن بين السوائل والأملاح في الجسم، وتدمير تام لنخاع العظم، مما يؤدي إلى الوفاة في خلال عشر أيام.

التعرض لجرعة من 1.5 إلى 10 جراي يؤدي إلى تثبيط نخاع العظم ونزيف. تحدث الوفاة غالبا في خلال خمسة أسابيع. يمكن الشفاء في هذه الحالة فقط إذا بدأ العلاج على الفور دون إبطاء، أما الجرعات الأعلى فلا مفر من الموت منها.

التعرض لجرعات أقل من هذا يؤدي إلى تلف موضعي في الأنسجة، قد يؤدي إلى موت بعض هذه الأنسجة وبالتالي "الجنجرينا" التي تستوجب بتر العضو المصاب. ويؤدي التعرض عموما إلى الإصابة بالمرض الذي يظهر بعد فترة أطول من الوقت، السرطان.

غابة العجب .. !!

نجم عن انفجار تشيرنوبل كمية من التلوث الإشعاعي تقدر بحوالي 400 ضعف التلوث الذي نجم عن قنبلة هيروشيما.

ماتت النباتات في مدى عشرة كيلومترات حول المفاعل، ومن ضمنها غابة كاملة من أشجار الصنوبر على مساحة أربعة كيلومترات مربعة، نتيجة للغبار الذري المشع الذي انتشر في المنطقة. بعد وقوع الحادث بأيام كانت أشجار الغابة تتوهج باللون الأحمر في ظاهرة غريبة نتجت عن النشاط الإشعاعي.

بعد حوالي شهر من الحادث كان المكان خاليا من كل أثر للحياة، فقد تم إجلاء 116 ألف شخص في دائرة نصف قطرها 30 كيلومترا حول المفاعل.

بعد إخلاء المكان، تحوّل إلى ما يشبه محمية طبيعية للنباتات والحيوانات! تختلف استجابة الحيوانات للإشعاع عن استجابة الإنسان، وتختلف الاستجابة أيضا من فصيلة إلى أخرى. ظهرت فيما بعد تقارير تفيد بظهور أشكال غريبة من الحياة النباتية، يرجح أنها نباتات تعرضت لعدد من الطفرات في مادتها الوراثية، كما ظهرت حيوانات مشوهة غريبة، مما دعى البعض إلى إطلاق اسم "غابة العجب forest of wonders" على المكان. 

اللي عايز يشوف صور اكتر يتفضل هنـا .. >> انصح انكم تشاهدوها علشان تقارنوها بمدى واقعية الفيلم 

اتوقع كدة كفاية عليكوا و عرفتوا عن الموضوع وايه الحصل للناس الغلابة اللي كانوا هناك .. 

نيجي بقى للموضوع الأهم إلا وهو الفيلم .. 

انا من كم يوم جه في بالي اتفرج على فيلم رعب .. دورت على الأفلام اللي لسا محملاهم و طلع فيلم Chernobyl Diaries .. 

  

قصته : 

ستة سائحين من الشباب تجولوا في مدن اوروبا و عندما وصلوا لمدينة كييف اغراهم رجل بأخذهم في مغامرة في مدينة "بريبيات" التي ظلت مهجورة طوال 25 عاما منذ انفجار مفاعل تشيرنوبيل النووي,، وبعد فترة يلاحظ الشباب ان هناك حركات غريبة تحدث, سمكة خارج الماء ما زالت تتنفس, كلب متأكل الجلد, هل هو الإشعاع ام ماذا .. ؟؟ عند غروب الشمس و بعد اخذهم جولة قرروا رجوع ادراجهم لكن أسلاك السيارة تم تأكلها .. !!! كيف سيخرجون من المكان و بعد ان تأكدوا انهم ليسوا بمفردهم .. ؟!

تقييمي :

3.5 \ 5

ملاحظاتي : 

أولا انا بكره نوعية الافلام دي و بشدة .. 

بسبب .. 1\ اعتمادها على عنصر المفاجئة فقط لتخويفك وليس أكتر .. 

2\ الإضائة الكئيبة اللي طول الفيلم تحول عينيك .. 

3\ الممثلين يكونوا دايما في اول ظهور ليهم فتمثيلم بيكون و بيجذبوا المشاهد للفيلم بوجود شخص مشهور واحد فقط ألا وهو 

Jesse McCartney اللي غالبا بيموت أول واحد علشان هو ما بيعرفش يمثل  >> ده مش حرف للأحداث ده السيناريو المتبع في كل الأفلام للي من النوعية دي .. 

طيب هو انا جاية اشتكي بس .. !! مكنتش حطيت الموضوع من اساسه .. !!

الفيلم عجبني من كم ناحية علشان كدة قررت اني اكتب عنه .. 

موقع تصوير المكان فعلا كان مشابه الموقع الحقيقي فعلا .. ( اطلعوا شوفوا الصور فوق و قارنوا ) .. 

وده خلاني اندمج كويس معاه و اركز اكتر فيه .. 

تمثيل الممثلين يتبلع و كان ماشي حاله و تأثرت فيه في كم مقطع .. و كنت طول الوقت عماله افكر هو ايه ممكن اللي بيكون يحصل معاهم .. !!

الفيلم مكانش فيه اي لقطة مخلة .. وده عامل ممكن متلاقيهوش في الأفلام دي    !!

التحميل :

Torrent + Subscene

مـبـاشـر

حــــــرق للأحــــــداث

( اللي متفرجش على الفيلم لسا ما يقرأش  .. )

بالنسبة للي اتفرجوا على الفيلم .. ايه رأيكم ؟؟ 

بالنسبة لي .. انا بحب النهايات اللي تخليني افكر ايه ممكن يحصل او حتى ايه اللي حصل ليهم .. ؟؟

بس مش للدرجة دي .. !!

يعني كلهم ماتوا ولا حتى واحد فيهم عاش >> ده الطبيعي .. 

بس على الأقل يفسروا ايه اللي حصل ليهم ده .. 

يعني دول اللي بيتهجموا عليهم بشر متعرضين لإشعاع ولا تم اللعب في الجينات بتاعتهم .. ؟؟ و ليه عايشين في منطقة معزولة .. ؟؟

و ليه اللي دبر ليهم الرحلة طلع دكتور .. ؟؟

ايه اللي كسبوا .. ؟؟ و ليه اغراهم من الأول .. ؟؟ 

اسئلة كتير عليكوا صح .. ؟؟ المهم اللي فهم حاجة زيادة او عرف يجاوب على الأسئلة يكتبها تحت .. 

أتمنى تكون استمتعتوا معايا .. >> اشك في الموضوع 

مشاهدة ممتعة